Ndryshimi i emrit të stadiumit të Napolit për nder të Maradonës, priftërinjtë kundër

Nga A2 CNN
4 Dhjetor 2020, 11:28 | Futboll
Ndryshimi i emrit të stadiumit të Napolit për nder të

Rruga për të ndryshuar emrin e stadiumit të Napolit për nder të futbollistit Diego Armando Maradona duket se do të ketë vështirësitë dhe pengesat e saj.

Dëshirës së qytetarëve napoletanë dhe tifozëve të kaltër iu është kundërvënë mendimi i priftërinjve të këtij qyteti, të cilët i kanë dërguar një letër famullitarit të Bazilikatës së San Giovanni Maggiore, me destinacion kartinalin Sepe.

“Stadiumi i San Paolos duhet të qëndrojë me emrin e shenjtit që na solli Jezusin. Ndjej me përulje dhe përgjegjësi që ta thoja këtë gjë”, shkruhet mes rreshtave në letrën që përfaqëson shumë priftërinj të Napolit.

“Është shumë e trishtueshme që ndërsa të fuqishmit fshijnë emrat dhe shenjat e besimit nga qytetet tona, ne të krishterët qëndrojmë në heshtje ose në rastin më të keq e mbështesim këtë gjë”, vijon letra.

Ideja e ndërrimit të emrit të stadiumit erdhi disa ditë pas vdekjes në moshën 60-vjeçare të argjentinasit Diego Armando Maradona, i cili ka bërë histori në futbollin e qytetit të Napolit. (A2 Televizion)

A2 CNN Livestream

Latest Videos