Në humor të mirë dhe ngacmime për rivalët. Me Partizanin që është kthyer fuqishëm në kampionat, të kuqtë nuk ngurojnë të shigjetojnë Tiranën, skuadër që vetëm pak javë më parë e nxorrën nga gara për titull. Me bardheblutë që janë eliminuar edhe në Kupë, batuta erdhi nga drejtori i Partizanit, Olsi Rama.
“Para shortit më pyetën në formë shakaje se cilin kundërshtar dëshiroja. U përgjigja se do të më pëlqente të luanim derbi. Më thanë që Tirana është eliminuar, por edhe derbi me Dinamon është shumë mirë”, u shpreh Olsi Rama, drejtori i Partizanit.
Ftesa është mirëpritur. Edhe pse në dhjetor të vitit 2020 luajtën dhe fituan në kategorinë e parë ndaj Partizanit B, Dinamo shpreson që derbi me të kuqtë të mund të luhet pse jo, në gjysmëfinalet e Kupës.
“Do të isha shumë i kënaqur, që nëse arrijmë të kualifikohemi në gjysmëfinale, të rikthejmë derbin Dinamo-Partizani”, deklaroi Ermal Barushi, administrator i Dinamos.
Dinamo dhe Partizani janë ndeshur për herë të fundit në mars të vitit 2013 në Kategorinë e Parë. Në kategorinë Superiore, dy skuadrat janë ndeshur në vitin 2009, ndërsa dueli në Kupë mungon prej 13 edicionesh. (A2 Televizion)
A2 CNN Livestream
MUND TE LEXONI GJITHASHTU
