Nis muaji i librit dhe i leximit. Këtë vit tetori i letrave shqipe do të pushtohet nga poezia. Mbrëmjet letrare në programin e qendrës kombëtare të librit dhe leximit përfshijnë jo vetëm interpretimin e vargjeve, por edhe një dialog mes dashamirësve të letërsisë.
Nga sot, Shqipëria do të ketë një laureat të poezisë, një misionar për vargjet e një arti që e cilësojnë shpesh si elitar.
Alda Bardhyli, Drejtore e Qendrës Kombëtare të Librit dhe Leximit shprehet se: “Do të jetë një poet që do të përfaqësojë veprat dhe risi do të ketë një kontratë figurative me Qendrën Kombëtare të Librit dhe Leximit dhe do vendoset për një mandat 2-vjeçar në krye të një misioni që ka në thelb ndërgjegjësimin mbi leximin e poezisë, apo hartimin e një antologjie me poetët më të mirë shqiptarë për shkollat e mesme.
Procesi do të kalojë përmes seleksionimit nga një komitet drejtuesish i kryesuar nga Besnik Mustafaraj, do të përzgjedhin mes 25 kandidatëve poetin më të mirë laureat”.
Kjo është edhe pikënisja e një muaji që do të vendosë në qendër të vëmendjes poezinë, me takime e mbrëmje që do të rrëfejnë magjinë e vargjeve.
Në kushtet e pandemisë, mbrëmjet poetike do të mbahen në ambientet e hapura pranë qendrës, por edhe në instalacionin Reja. (A2 Televizion)
A2 CNN Livestream
MUND TE LEXONI GJITHASHTU
