Policia e Shtetit në bashkëpunim me homologët turq kanë finalizuar me sukses operacionin “Përtej kufijve”, kundër trafikut të lëndëve narkotike.
Gjatë këtij operacioni janë sekuestruar në Manisa të Turqisë, 3 armë pistoleta, municion, 8.6 kg marijuanë, 9 pako me drogë sintetike dhe 211 bimë narkotike të kultivuara.
Gjithashtu në pranga u vu një shtetas turk, ndërsa janë shpallur në kërkim 2 shtetas shqiptarë dhe 1 shtetas turk, si të implikuar në këtë veprimtari kriminale.
Policia e Shtetit siguroi informacion se në Manisa të Turqisë, disa persona ushtronin veprimtari kriminale në fushën e kultivimit, prodhimit dhe shpërndarjes së lëndëve narkotike.
Informacioni i siguruar nga Policia shqiptare i është përcjellë menjëherë homologëve turq, të cilët organizuan dhe finalizuan operacionin policor të koduar “Përtej kufijve”. (A2 Televizion)
A2 CNN Livestream
MUND TE LEXONI GJITHASHTU
