Sekretari i Përgjithshëm i Partisë Socialiste, Taulant Balla, ka reaguar pas mbërritjes në Tiranë të raportit paraprak të Komisionit të Venecias për përplasjen Presidencë-Kuvend, në lidhje me emërimet e anëtarëve të Gjykatës Kushtetuese.
“Komisioni i Venecias na ka vënë në dizpozicion një “draft paraprak” të opinionit “Mbi emërimin e anëtarëve të Gjykatës Kushtetuese”, për të cilin na është kërkuar, nga ana e tyre, të ruajmë strikt konfidencialitetin dhe të mos bëjmë asnjë koment, sepse drafti është dërguar për t’u konsultuar dhe komentuar nga palët. Shpërndarja e copëzave apo fjalive të veçanta në raste të mëparshme të drafteve paraprake ka dëmtuar kredibilitetin e procesit të konsultimit me Komisionin e Venecias. Prandaj, ne do të ndjekim në mënyrë strikte agjendën dhe respektojmë kërkesën për konfidencialitet prej vetë Komisionit të Venecias, deri në miratimin e një opinioni final zyrtar”.
Më tej, Balla thekson se deri në marrjen e opinionit përfundimtar zyrtar, dekreti i Presidentit nuk do të shqyrtohet në Kuvend.
“Ndërkohë, ekspertët tanë do të përgatisin komentet, sipas kërkesës së vetë procesit, për reflektimet e pretendimeve të palëve në opinionin përfundimtar. Kjo do të thotë po ashtu, se deri në marrjen e opinionit përfundimtar zyrtar, dekreti i rikthyer nga Presidenca nuk do te diskutohet dhe as shqyrtohet në Kuvend, për të respektuar deri në fund Komisionin e Venecias”, mbyllet reagimi i Ballës. (A2 Televizion)
A2 CNN Livestream
MUND TE LEXONI GJITHASHTU
