Sekretari i Përgjithshëm i Partisë Demokratike, Gazment Bardhi, reagoi sërish për çështjen e përgjimeve të kryera nga antimafia italine, pjesë të së cilave u publikuan dhe në mediat e dy vendeve.
Sipas numrit dy të PD, kryeministri Rama sa herë që njerëzit e tij kapen në pazare me trafikantët e drogës ua hedh fajin të tjerëve dhe justifikohet.
“Sa herë njerëzit e tij kapen në përgjime në pazar me trafikantët e drogës, duke blerë vota me krimin e organizuar apo duke shitur tendera, koncesione dhe leje ndërtimi, Edi Rama vetëm justifikohet. Ai kurrë nuk di asgjë, gjithmonë sillet sikur i bien në qafë të tjerët.
Shqiptarëve u ka ardhur në majë të hundës dhe janë lodhur duke dëgjuar Ramën dhe justifikimet e tij. Ata e dinë se kjo është qeveria më e keqe dhe më e korruptuar në historinë e Shqipërisë.
Askush nuk e beson më Edi Ramën. Më 25 prill, shqiptarët do t’i tregojnë vendin kësaj qeverie dhe do të votojnë për ndryshimin”, shkruan Bardhi. (A2 Televizion)
A2 CNN Livestream
MUND TE LEXONI GJITHASHTU
