Një 39-vjeçar u plagos me armë zjarri në orët e para të mëngjesit të sotëm në ish-Bllok. Policia ka bërë të ditur se ngjarja ka ndodhur rreth orës 00:30 në rrugën "Ibrahim Rugova", ku pas një konflikti për motive të dobëta mbeti i plagosur me armë zjarri në këmbë, shtetasi G. B., 39 vjeç, i cili u dërgua në spital dhe ndodhet jashtë rrezikut për jetën.
Për këtë ngjarje, policia arriti të vërë në pranga autorin e dyshuar, i cili është shtetasi me inicialet R. B., 22 vjeç, banues në Tiranë.
Gjithashtu u procedua penalisht, për veprën penale "Plagosja e lehtë me dashje", shtetasi i dëmtuar G. B, pasi dyshohet se ka dëmtuar me mjet prerës në pjesën e krahut autorin e ngjarjes, shtetasin R. B.
Ndërkohë vijon puna për kapjen e personave të tjerë që mund të jenë të implikuar apo kanë dijeni për ngjarjen. (A2 Televizion)
A2 CNN Livestream
MUND TE LEXONI GJITHASHTU
