Pamje nga takimi virtual Biden-Putin 
Biden përshëndet i buzëqeshur Putinin 
Rezervistë rusë stërviten në Volgograd 
Mjete luftarake ukrainase gjatë një parade në Kharkiv 
Biden dhe Putin u takuan në qershor në Gjenevë 
Zelenskiy viziton trupat ukrainase në Donjeck. “Kam besim se do të fitojmë”, u tha ai ushtarëve të hënën. 
Fotot satelitore nga Maxar Technologies tregojnë grumbullimin e madh të trupave dhe armatimeve ruse në kufi me Ukrainën
Presidenti amerikan, Joe Biden, dhe ai rus, Vladimir Putin, u panë duke përshëndetur me dorë njëri-tjetrin dhe duke buzëqeshur, në nisje të takimit të tyre virtual këtë të martë. Edhe pse çështja kryesore e diskutimeve është tepër serioze, mundësia e një lufte në Ukrainë, dy njerëzit më të fuqishëm të botës u dukën të relaksuar, të paktën nga pamjet e publikuara nga agjencitë ruse të lajmeve.
Biden pati edhe disa probleme teknike, pasi nuk kishte ndezur mikrofonin dhe u pa të përshëndeste me dorë homologun rus.
“Përshëndetje zoti President”, u dëgjua t’i thoshte Putin në rusisht. Më pas, Biden u pa të shtypte butonin e audios dhe të thoshte: “Përshëndetje, më vjen mirë që të shosh sërish”. Telefonata, në një rrjet super të sigurt, nisi në orën 10:07 të mëngjesit sipas orës së Uashingtonit dhe 18:07 sipas orës së Moskës. Mediat vendase atje nuk u lejuan të ndiqnin bisedën.
Kjo është një prej përpjekjeve më të mëdha të Biden për të zgjidhur në mënyrë diplomatike krizën që po përshkallëzohet dita-ditës në Ukrainë. Biden pritet të paralajmërojë Putinin për pasojat e pushtimit të Ukrainës. Ndërsa lideri rus ka thënë më herët se kërkon garanci nga Perëndimi që NATO nuk do të zgjerohet më në lindje. (A2 Televizion)
A2 CNN Livestream
MUND TE LEXONI GJITHASHTU
