Kur forcat e policisë ndaluan kamionin e drejtuar nga Oligert Agolli, në hyrje të Tiranës, gati nuk i besonin syve kur nga trajleri filluan të dilnin një nga një 83 persona, të lodhur nga një rrugë e gjatë dhe e mundimshme drejt vendeve të Bashkimit Europian.
Drejtuesi 31-vjeçar, banues në fshatin Pirg, u arrestua në flagrancë për veprën penale "Ndihma për kalim të paligjshëm të kufijve", në një nga operacionet më të mëdha të operacionit “Perimetri”, i fokusuar në parandalimin e shfrytëzimit të emigracionit të paligjshëm.
Ndërkohë dalin detajet e para, ku sipas burimeve mësohet se çdo emigrant për udhëtimin asfiksues në mjet, kishte paguar 1150 euro, drejt premtimit të kalimit të një kufiri të BE-së.
Po punohet për dokumentimin e plotë të ngjarjes, identifikimin e klandestinëve dhe bashkëpunëtorëve të Agollit. (A2 Televizion)
A2 CNN Livestream
MUND TE LEXONI GJITHASHTU
