Përdorimi i armës së shërbimit në një sherr familjar për pronën, i ka kushtuar vendin e punës inspektorit M.N.
Me urdhër të Ministrit të Brendshëm, Taulant Balla, ai është përjashtuar nga radhët e Gardës së Republikës, e ndërsa aktualisht ndodhet në komisariat ku po merret në pyetje.
“Garda e Republikës është informuar nga Drejtoria Vendore e Policisë Durrës mbi përfshirjen e një efektivi të Gardës në një incident të dhunshëm, në Hamallaj, ku dyshohet se inspektori M.N., ka përdorur edhe armën e shërbimit. Me urdhër të Ministrit të Brendshëm është bërë përjashtimi i menjëhershëm i këtij punonjësi, nga radhët e Gardës së Republikës. Ndërkohë Policia e Shtetit ka bërë ndalimin e tij”, thuhet në njoftim.
M.N. dhe familja e tij u përfshi në një sherr me një tjetër familje në Hamallaj për pronën. Në agravim e sipër të situatës, ai nxori armën e shërbimit dhe qëlloi në ajër, për fat nuk pati të lënduar. A2 CNN sjell video nga momenti i sherrit, teksa shihet se anëtarët e 2 familjeve janë përplasur fizikisht me njëri-tjetrin. (A2 Televizion)
A2 CNN Livestream
MUND TE LEXONI GJITHASHTU
