Amerika po bëhet shumë e rrezikshme për politikën. Vrasja e Charlie Kirk, ambasador i Presidentit amerikan Donald Trump për konservatorët e rinj ka tronditur themelet e vendit, aq sa disa ligjvënës tani po e ripërcaktojnë llojin e fushatës së lirë dhe në natyrë që turnetë e shumta në kolegj kishin për qëllim të ruanin.
Rreziqet që marrin përsipër ata që ngjiten në një piedestal publik u vunë në pah një ditë pas vrasjes së Kirk në Utah. Ky nuk ishte një rasti i izoluar, por pika kulmore e një vale të dhunës politike që po rritet në SHBA, duke ushqyer polarizimin e thellë dhe duke krijuar një spirale të frikës dhe hakmarrjes.
Të dhënat tregojnë një rritje dramatike: sipas Iniciativës Bridging Divides të Universitetit Princeton, ka pasur mbi 250 incidente kërcënimesh dhe ngacmime kundër zyrtarëve lokalë në gjysmën e parë të 2025-ës, një rritje 9% krahasuar me vitin e kaluar.
Reuters raporton se të paktën 300 raste dhune politike janë regjistruar që nga Janari 2024, duke përfshirë sulme nga të dyja anët e spektrit politik. Rastet e fundit ilustrojnë këtë model të errët. Në qershor 2025, dy ligjvënës demokratë të Minesotës, Melissa Hortman dhe bashkëshorti i saj, u vranë në shtëpinë e tyre në një sulm të motivuar politikisht, siç e quajti guvernatori Tim Walz.
Në maj 2025, dy punonjës të ambasadës izraelite në Uashington u vranë në një sulm të lidhur me tensionet në Lindjen e Mesme. Në prill, një sulm me zjarrvënës goditi rezidencën e guvernatorit të Pensilvanisë, Josh Shapiro, duke detyruar familjen e tij të ikë në mesnatë. Këto ngjarje vijnë pas dy tentativave vrasjeje ndaj Presidentit Trump në 2024, dhe sulmeve të tjera ndaj figurave publike. Sipas qendrës për studime strategjike, ka pasur një "rritje dramatike" të sulmeve partizane që nga 2016, me mbi 150 sulme të motivuara politikisht në gjysmën e parë të 2025-ës.
Kjo dhunë nuk është e kufizuar në të djathtën ose të majtën sulmet prekin të dyja palët, por mediat dhe liderët shpesh e përdorin për të demonizuar kundërshtarin, duke ushqyer një cikël vicioz.
(A2 Televizion)
A2 CNN Livestream
MUND TE LEXONI GJITHASHTU
