Pakistani ka dislokuar 8 mijë trupa, një skuadër avionësh luftarakë dhe një sistem të mbrojtjes ajrore në Arabinë Saudite në kuadër të një pakti të mbrojtjes së ndërsjellë, duke intensifikuar bashkëpunimin ushtarak me Riadin, edhe pse Islamabadi po shërben njëkohësisht si ndërmjetësi kryesor në luftën me Iranin, shkruan A2CNN.
Dislokimi, përmasat e plota të të cilit raportohen për herë të parë, u konfirmua nga tre zyrtarë të sigurisë dhe dy burime qeveritare. Sipas tyre, bëhet fjalë për një forcë të konsiderueshme dhe të gatshme për luftim, e destinuar për të mbështetur ushtrinë saudite në rast se mbretëria përballet me sulme të tjera.
Sipas burimeve, Pakistani ka dërguar rreth 16 avionë, kryesisht luftarakë JF-17 të prodhuar bashkë me Kinën, të cilët mbërritën në Arabinë Saudite në fillim të prillit. Dy prej zyrtarëve të sigurisë thanë gjithashtu se Pakistani ka dërguar edhe dy skuadra dronësh.
Të pesë burimet thanë se dislokimi përfshin rreth 8 mijë trupa, me një zotim për të dërguar edhe më shumë nëse do të jetë e nevojshme, si dhe një sistem kinez të mbrojtjes ajrore HQ-9. Sipas tyre, pajisjet operohen nga personel pakistanez dhe financohen nga Arabia Saudite. (A2 Televizion)
A2 CNN Livestream
MUND TE LEXONI GJITHASHTU
