Presidenti argjentinas Javier Milei ka përshkallëzuar tensionet me Britaninë e Madhe për Ishujt Falkland, duke kërcënuar me sanksione kompanitë që zhvillojnë projekte nafte pranë ishujve.
Milei përsëriti pretendimin se Falkland, të cilët Argjentina i quan Las Malvinas, janë “historikisht dhe ligjërisht” argjentinas. Në veçanti, ai kundërshtoi projektin e naftës Sea Lion, ku kompanitë Rockhopper Exploration dhe Navitas Petroleum planifikojnë të zhvillojnë nxjerrjen e naftës.
Britania e Madhe ka deklaruar se banorët e ishujve janë britanikë dhe kanë të drejtë të vendosin vetë për të ardhmen e tyre. Në referendumin e vitit 2013, 99.8% votuan për të mbetur territor britanik.
Tensionet mes dy vendeve datojnë prej dekadash dhe kulmuan me luftën e vitit 1982 për kontrollin e ishujve. (A2 Televizion)
A2 CNN Livestream
MUND TE LEXONI GJITHASHTU
