Një avion i vogël, me 11 persona në borg, u zhduk nga radarët ditën e sotme, teksa po fluturonte mbi pjesën lindore të Indonezisë.
Mediat e huaja, të cilat citojnë atë që thanë zyrtarët e shpëtimit për AFP, bëjnë të ditur se autoritetet indoneziane po kërkojnë për gjetjen e tij.
Aeroplani, në pronësi të linjës ajrore Indonesia Air Transport, ishte nisur për në Makassar, South Sulaëesi, pasi u ngrit nga Yogyakarta, në ishullin Java, me tre pasagjerë dhe një ekuipazh prej tetë anëtarësh.
Kontakti u humb pak pas orës 13:00 sipas orës lokale, shkruan A2 CNN.
Kreu i agjencisë lokale të kërkim-shpëtimit, Muhammad Arif Anëar, tha se ekipet ishin vendosur në një zonë malore në distriktin Maros, rreth 42 kilometra nga kryeqyteti i provincës Makassar, ku u regjistrua vendndodhja e fundit e avionit.
Forcat ajrore, policia dhe vullnetarët po marrin pjesë në kërkimet tokësore dhe ajrore, shtohej më tej në njoftim.
Andy Sultan, drejtori i operacioneve të shërbimit të kërkim-shpëtimit në Makassar, sqaroi nga ana e tij se një helikopter dhe një dron janë dërguar në zonë për të gjetur avionin. (A2 Televizion)
A2 CNN Livestream
MUND TE LEXONI GJITHASHTU
