Drejtori ekzekutiv i Nvidia-s, Jensen Huang, ka dhënë dorëheqjen nga drejtimi i kompanisë, pas një serie zhvillimesh dhe skandalesh që kanë vënë në qendër të vëmendjes jetën e tij personale dhe lidhjet e pretenduara me një shtetase të akuzuar për spiunazh në favor të Kinës.
Ngjarjet nisën më 29 tetor, kur The New York Times raportoi se Huang kishte pasur një marrëdhënie të afërt me Alice Huang, e cila, sipas autoriteteve amerikane, dyshohet për spiunazh në favor të Kinës.
Më 8 nëntor, Jensen Huang pranoi publikisht se kishte pasur një lidhje jashtëmartesore, duke kërkuar falje për tradhtinë ndaj bashkëshortes së tij. Megjithatë, ai nuk bëri të ditur identitetin e personit tjetër. Pas këtij zhvillimi, bordi drejtues i Nvidia-s nisi një hetim të pavarur.
Një ditë më vonë, presidenti amerikan Donald Trump deklaroi se FBI-ja po hetonte çështjen, ndërsa autoritetet kineze i hodhën poshtë akuzat për spiunazh, duke i cilësuar ato si shpifje.
Situata u ndërlikua edhe më tej më 11 nëntor, kur The New York Times publikoi raportime për një tjetër marrëdhënie të pretenduar jashtëmartesore të Huang, këtë herë me një drejtuese të Nvidia-s, e cila raportohet se ishte në varësi të tij. Sipas raportimeve, bordi i kompanisë zhvilloi një takim për të diskutuar të ardhmen e drejtuesit ekzekutiv.
Kulmi i zhvillimeve erdhi më 12 nëntor, kur Jensen Huang njoftoi dorëheqjen nga posti i drejtorit ekzekutiv. Në vend të tij, drejtoresha financiare e kompanisë, Colette Kress, është emëruar në detyrën e CEO-s së përkohshme. (A2 Televizion)
A2 CNN Livestream
MUND TE LEXONI GJITHASHTU
