Legjislacioni izraelit që synon vendosjen e dënimit me vdekje për palestinezët e dënuar për sulme vdekjeprurëse “përforcon diskriminimin racor ndaj palestinezëve dhe përbën një cenim të rëndë të të drejtave të njeriut”, ka deklaruar Komiteti i OKB-së për Eliminimin e Diskriminimit Racor.
“Ligji i ri është një goditje e rëndë për të drejtat e njeriut, duke zhbërë moratoriumin faktik afatgjatë të Izraelit mbi ekzekutimet që nga viti 1962 dhe duke zgjeruar përdorimin e dënimit me vdekje në Izrael dhe në Territoret e Pushtuara Palestineze,” thuhet në deklaratën e komitetit.
“Ligji zbatohet vetëm për ata që dënohen për vrasje të qëllimshme me synimin për ‘të mohuar ekzistencën e Shtetit të Izraelit’, çka e bën atë në praktikë të zbatueshëm vetëm ndaj palestinezëve”.
Komiteti i bëri thirrje Izraelit që ta shfuqizojë këtë ligj dhe “t’i japë fund të gjitha politikave dhe praktikave që përbëjnë diskriminim racor dhe segregim ndaj palestinezëve”, përcjell A2CNN. (A2 Televizion)
A2 CNN Livestream
MUND TE LEXONI GJITHASHTU
