Teknologjia e armëve me lazer po shfaqet si një nga zgjidhjet më efikase dhe më të lira kundër kërcënimit në rritje nga dronët ushtarakë. Kompania australiane Electro Optic Systems (EOS) ka prezantuar në Hagë sistemin e saj Apollo, një armë lazer me energji të lartë, që shkatërron dronët pa shpërthime dhe pa zhurmë. Sistemi funksionon duke përqendruar një rreze lazeri me energji të lartë mbi objektivin, duke e nxehur materialin deri në shkrirje dhe duke e rrëzuar dronin nga ajri.
Lazeri djeg strukturën e dronit deri në shkatërrim. Nuk ka shpërthim, nuk ka zhurmë – droni thjesht bie nga qielli.
Sipas kompanisë, sistemi Apollo mund të neutralizojë 20 deri në 30 dronë në minutë, dhe potencialisht deri në 50, duke e bërë atë veçanërisht efektiv kundër sulmeve me tufa dronësh, që po përdoren gjerësisht në luftën në Ukrainë. Avantazhi kryesor mbetet kostoja. Ndryshe nga raketat apo topat kundërajrorë, lazeri nuk përdor municion, shkruan A2 CNN.
Kostoja për të rrëzuar një dron me lazer është vetëm 1 deri në 5 dollarë. Një raketë kushton qindra mijëra dollarë. Lazeri është, me diferencë të madhe, opsioni më i lirë.
Në gusht të vitit 2025, Holanda u bë vendi i parë në botë që bleu një armë lazer të kësaj fuqie, duke nënshkruar një kontratë prej 71 milionë eurosh. (A2 Televizion)
A2 CNN Livestream
MUND TE LEXONI GJITHASHTU
