Në vend të firmës për paqen… raketa dhe shpërthime. Forcat amerikane thanë se shënjestruan objekte ushtarake iraniane përgjegjëse për sulmin ndaj anijeve të saj luftarake në Ngushticën e Hormuzit. Forcat e armatosura të Teheranit thanë se sulmet ajrore goditën zona civile. Megjithatë, Presidenti Donald Trump konfirmoi se armëpushimi është ende në fuqi dhe lëshoi një paralajmërim.
“Ata u tallën me ne sot. Ne i shkatërruam. Ata u tallën. Unë këtë e quaj një gjë të vogël. Do t’ju njoftoj kur të mos ketë më armëpushim. Nuk do të keni nevojë ta pyesni. Nëse nuk ka armëpushim, nuk do të keni nevojë ta pyesni. Thjesht do të shihni një shkëlqim të madh që del nga Irani. Dhe ata bëjnë mirë ta nënshkruajnë marrëveshjen e tyre shpejt”, u shpreh presidenti amerikan.
Irani ende nuk e ka finalizuar përgjigjen e tij ndaj një propozimi të SHBA-së për t'i dhënë fund luftës. SHBA-të thanë se Teherani lëshoi raketa, dronë dhe anije të vogla kundër tre prej anijeve të saj luftarake, në atë që e quajti një “sulm të paprovokuar”.
Ndërkohë, komanda më e lartë ushtarake e Iranit pretendoi se SHBA-të kishin shënjestruar një tanker iranian nafte dhe një anije tjetër që po i afrohej Ngushticës së Hormuzit dhe kishin kryer “sulme ajrore” në disa zona bregdetare. “Nëse shihni dhëmbët e një luani, mos supozoni kurrë se po buzëqesh”. Këto janë vargjet, në arabisht, të postuara në X nga zëdhënësi i Ministrisë së Jashtme iraniane, Esmaeil Baghaei. Vargjet i atribuohen Al-Mutanabbi-t, një poet arab i shekullit të 10-të i konsideruar si një nga eksponentët më të mëdhenj të poezisë klasike arabe. (A2 Televizion)
A2 CNN Livestream
MUND TE LEXONI GJITHASHTU
