Raketat, avionët e luftës dhe armatime të tjera të rënda ushtarake të kinës , disa prej të cilave do të zbulohet për publikun për herë të parë, do të shfaqen në paradën madhështore të Pekinit, ditën e mërkurë.
Skena është bërë gati në zemrën e kryeqytetit për shfaqjen madhështore nën koreografinë e vetë presidentit Shi Xhipin. Tetë flamuj gjigandë kineze valëviten dhe shoqërojnë portretin e Mao Ce Dunit, themeluesit të Kinës Komuniste, në majë të Portës së Paqes Qiellore me pamje nga Sheshi Tiananmen, një nga më të mëdhatë në botë.
Poshtë tyre, janë vendosur karriget e rezervuara për 26 krerë shtetesh, përfshirë presidentin rus Vladimir Putin, atë të Koresë së veriut Kim Jong Un, liderin serb Aleksandër Vuçiç e atë sllovak Robert Fico, të vetmit udhëheqës europianë në event.
Kjo do të jetë hera e parë që një lider i Koresë së Veriut merr pjesë në paradë të Kinës që prej 1959. Parada shënon 80-vjetorin e mundjes së Japonisë në luftë, dhe fitoren e kinës kundër pushtuesit. Por për presidentin Shi Xhinpin është diçka më shumë.
Pas samitit të Shangait ku projektoi një rend të ri botërore, tani, me Putinin dhe Kim Jong Un në krah, Jinping do të tregojë aftësinë e vendit të tij për të rivalizuar SHBA në çdo konflikt të mundshëm.
Ndërsa parada është një shfaqje e muskujve dhe ndikimit të Jinping si lider botërorë, ajo ka edhe një mesazh të qartë për publikun e brendshëm; krenaria dhe patriotizmi.
Audienca që do të përbëhet edhe nga liderët e Iranit, Malajzisë, Mianmarit, Indonezisë apo vendeve të tjera të Azisë Qëndrore, do të dëshmojnë përveç formacioneve precize të trupave edhe armët e reja hipersonike dhe dronët nënujorë. (A2 Televizion)
A2 CNN Livestream
MUND TE LEXONI GJITHASHTU
