Liria europiane përballet me kërcënimin më të madh që prej fundit të luftës së dytë botërore. Te ky paralajmërim, presidenti Emanuel Macron e mbështeti planin për një rritje të madhe në shpenzimet e mbrojtjes. Në një fjalim për forcat e armatosura në Paris, ne prag të ditës së Bastijës, ai tha se po jetonin në një moment shumë të rëndësishëm, për shkak të gjeopolitikës komplekse.
Kreu i Elizesë kërkoi që shpenzimet e mbrojtjes në Francë të rriteshin me 3.5 miliardë euro vitin e ardhshëm dhe me 3 miliardë të tjera në 2027-tën. Duke ju referuar kërcënimeve nga Rusia, ai denoncoi politikat imperialiste dhe fuqitë aneksuese siç i cilësoi. Emmanuel Macron
"E keni parë se si janë përshpejtuar ngjarjet muajt e fundit: bombardimet ndaj Iranit, luftimet mes Indisë dhe Pakistanit, me ndoshta një nga betejat ajrore më intensive në dekadat e fundit, uljet dhe ngritjet në mbështetjen amerikane për Ukrainën dhe luftën tregtare midis aleatëve në të njëjtin kontekst. Ne po dëshmojmë rikthimin e fenomenit bërthamor, përhapjen e konflikteve të mëdha. Dhe për ta thënë thjesht, për të qenë të lirë në këtë botë, duhet të të kenë frikë. Për të të pasur frikë duhet të jesh i fuqishëm. Prandaj vendi ynë duhet të jetë i fortë, pasi mbi të gjithë, jemi ne që duhet të mbrojmë vendin”, tha presidenti francez.
Macron u zotua të dyfishojë buxhetin ushtarak deri në2027-tën, tre vite më herët nga ç’ishte planifikuar fillimisht. Në 2017 buxheti i Mbrojtjes në Francë ishte 32 miliardë Europë, dhe sipas planit të ri në dy vite, do të arrijë në 64 miliardë euro.
Propozimi duhet të marrë miratimin e qeverisë franceze. Muajin e kaluar anëtarët e NATO u dakordësuan të shpenzonin 5 përqind të GDP-së vjetore për mbrojtjen, një rritje e konsiderueshme nga objektivi i kaluar prej 2 përqind.
Të premten kreu i ushtrisë franceze Thierry Burkhard tha se Rusia shihte Francën si kundërshtarin kryesor në Europë. Po ashtu Britania e Madhe ka njoftuar një rishikim të planit të mbrojtjes me sekretarin John Healey që tha se do t'i dërgonin një mesazh Moskës. (A2 Televizion)
A2 CNN Livestream
MUND TE LEXONI GJITHASHTU
