Me një shtrëngim duarsh të përzemërt, Kryeministrja italiane Giorgia Meloni mirëpriti Sekretarin Amerikan të Shtetit Marco Rubio në Romë. Qëllimi ishte të vlerësohej situata në Iran, Ngushticën e Hormuzit dhe marrëdhëniet midis Uashingtonit dhe Romës, të cilat janë bërë më të tensionuara në javët e fundit pas sulmeve të përsëritura të Donald Trump kundër Papës.
Për këtë arsye, kryediplomati amerikan takoi dhe kreun e Vatikanit. Rubio zhvilloi një bisedë për rreth një orë dhe me homologun e tij Antonio Tajani.
“Europa është e rëndësishme për SHBA-në”, raportohet të ketë thënë Sekretari Amerikan i Shtetit. Megjithatë zhvillimet tregojnë qasjen me kritika dhe ultimatume. Presidenti Donald Trump ka kërcënuar Bashkimin Europian me tarifa “shumë më të larta” deri më 4 korrik nëse blloku nuk arrin t’i ulë taksat ndaj SHBA-së në zero. (A2 Televizion)
A2 CNN Livestream
MUND TE LEXONI GJITHASHTU
