Putini i drejtohet Dumës: Ne nuk do të shkojmë nëpër botë duke lypur

Rusia nuk do të udhëtojë nëpër botë duke kërkuar “lëmoshë”.

Kështu ka deklaruar Presidenti rus Vladimir Putin gjatë një fjalimi para Dumës shtetërore.

Putin u kërkoi ligjvënësve të bashkëpunojnë ngushtë me qeverinë për të siguruar bazën e nevojshme legjislative për zhvillimin e mëtejshëm ekonomik të Rusisë, shkruan A2.

“Rusia nuk do ta poshtërojë veten duke udhëtuar nëpër botë duke lypur, ndryshe nga të tjerët. Rusia, ndryshe nga disa, pa përmendur emra, nuk mund të përballojë të vrapojë nëpër botë dhe të poshtërojë veten duke lypur me dorë të shtrirë. Së pari, do të ishte poshtëruese. Së dyti, askush nuk do të na e ofrojë, ne e dimë mirë këtë. Dhe së treti, dhe kjo është pika më e rëndësishme, ne nuk kemi nevojë për të. Uniteti i shoqërisë sonë është garancia më e sigurt se, së bashku, do të arrijmë të gjitha qëllimet që i kemi vendosur vetes. Na ofron garanci të besueshme për sigurinë dhe sovranitetin e Rusisë për brezat që do të vijnë", deklaroi Putin, duke shprehur "siguri absolute" se këto qëllime do të arrihen. (A2 Televizion)