Presidenti rus Vladimir Putin nënshkroi sot një ligj që do të nxjerrë Rusinë nga Konventa Evropiane për Parandalimin e Torturës, raportuan disa media, duke cituar burime qeveritare.
Sipas mediave të huaja, Putini kishte iniciuar daljen e Rusisë nga Konventa në fillim të këtij muaji, me Dumën që votoi për t'u larguar rreth dy javë më parë.
Kjo lëvizje vjen në mënyrë të dukshme pasi Rusia mban të paktën 8,000 ushtarë ukrainas robër, sipas informacionit të disponueshëm.
Legjislacioni i ri thotë se Rusia po largohet në përgjigje të refuzimit të Këshillit të Evropës për të vendosur një përfaqësues rus në komitetin mbikëqyrës të konventës, shkruan A2 CNN.
Konventa kundër torturës u miratua nga Këshilli i Evropës, organizata me seli në Strasburg për të drejtat e njeriut, në vitin 1987. Moska e kishte ratifikuar atë në vitin 1998. (A2 Televizion)
A2 CNN Livestream
MUND TE LEXONI GJITHASHTU
