Shtetet e Bashkuara kanë vendosur sanksione të reja ndaj Kubës, duke synuar sektorin e minierave dhe metalurgjisë, si dhe kompani e individë të përfshirë në kërkime shkencore për qëllime ushtarake.
Sipas Departamentit amerikan të Shtetit, masat prekin katër kompani të lidhura me prodhimin e nikelit, pajisjet elektronike, telekomunikacionin dhe kërkimet për forcat e armatosura kubane. Në listën e sanksioneve janë përfshirë edhe tre oficerë të lidhur me këto aktivitete.
Mes kompanive të sanksionuara janë SERCONI, CEPRONIQUEL, CEDINIQ dhe Pinares, të cilat veprojnë në sektorin e minierave dhe shfrytëzimit të nikelit. Sipas SHBA-së, ky sektor përbën një burim të rëndësishëm të ardhurash për qeverinë kubane.
Sekretari amerikan i Shtetit, Marco Rubio, deklaroi se administrata Trump nuk do të qëndrojë pasive ndërsa, sipas tij, elita kubane përfiton nga shfrytëzimi i burimeve të vendit.
Marrëdhëniet mes Uashingtonit dhe Havanës janë përkeqësuar pas rikthimit të Donald Trump në Shtëpinë e Bardhë. Administrata amerikane ka shtuar presionin ekonomik ndaj Kubës, ndërsa Presidenti Trump e ka cilësuar vendin si një kërcënim për sigurinë kombëtare të SHBA-së.
(A2 Televizion)
A2 CNN Livestream
MUND TE LEXONI GJITHASHTU
