Japonia është përfshirë nga tajfuni Dujuan, i cili ka sjellë erëra të fuqishme, reshje intensive dhe rrëshqitje dheu në disa zona të vendit. Rreth 2 milionë persona janë vendosur nën urdhër evakuimi, ndërsa autoritetet kanë paralajmëruar për rrezik të lartë për jetën.
Agjencia Meteorologjike e Japonisë kishte lëshuar më herët paralajmërime për një “kërcënim të menjëhershëm për jetën”. Megjithëse disa prej tyre janë ulur ose hequr, paralajmërimet më të larta mbeten në fuqi në disa zona.
Tajfuni Dujuan ka sjellë erëra të qëndrueshme me shpejtësi rreth 130 km/h, ndërsa goditjet më të forta kanë arritur deri në 194 km/h.
Stuhia ka shkaktuar ndërprerje të energjisë elektrike për më shumë se 50 mijë persona. Qindra fluturime janë anuluar dhe shërbimet hekurudhore janë pezulluar në disa pjesë të vendit.
Situata është përkeqësuar edhe nga rrëshqitjet e dheut. Në Yokosuka, autoritetet po kërkojnë një grua në të 60-at, e cila dyshohet se është marrë nga një rrëshqitje dheu. Në prefekturën Chiba, një burrë në të 50-at u shpëtua pasi mbeti i bllokuar gjatë punës për pastrimin e mbetjeve në një zonë të prekur nga rrëshqitjet. (A2 Televizion)
A2 CNN Livestream
MUND TE LEXONI GJITHASHTU
