Nëntë ditë nga tragjedia në Nepal, autoritet vijojnë akoma të kërkojnë trupat e të mbijetuarve. Shpresat duken të pakta, pasi deri më tani janë nxjerrë vetëm dy trupa. Zyrtarët dhe punonjësit e shpëtimit thonë se besojnë se shembja e një akullnaje më 26 gusht në pjesën e sipërme të lumit bllokoi të paktën 900 njerëz në tunele, kjo do të thotë që viktimat janë më të shumta.
Ekipet e shpëtimit nxorën dy të mbijetuar nga një tunel i lidhur me një hidrocentral në lumin Trishuli të Nepalit të premten, nëntë ditë pasi një mur akulli, shkëmbinjsh dhe balte shpërtheu nëpër luginën e tij, duke vrarë më shumë se 1,300 njerëz dhe duke lënë mbi 5,600 të zhdukur.
Zyrtarët dhe punonjësit e shpëtimit thonë se besojnë se shembja e një akullnaje më 26 gusht në pjesën e sipërme të lumit bllokoi të paktën 900 njerëz në tunele që lidhen me gjashtë projekte hidroenergjie.
Dy punëtorët e nxjerrë nga tuneli në Hidrocentralin e Epërm Trishuli 3A janë të parët që shpëtohen nga projektet e hidrocentraleve dhe janë dërguar në një spital ushtarak në kryeqytetin Katmandu, duke u dhënë ekipeve të kërkimit një shkëndijë shprese ndërsa mundësia për të gjetur të mbijetuar të tjerë po zbehet. Ushtria tha se kishte nxjerrë edhe një trup nga vendi i ngjarjes.
Videot e publikuara nga autoritetet nepaleze treguan Kabir Maharjanin duke u ngritur nga një gropë në tokë ndërsa kalimtarët brohorisnin, pastaj duke e ulur në një barelë. Kolegu i tij Sanjay Sah u nxor mbi shpinën e një punëtori, me fytyrën ende të mbuluar nga balta, përpara se mjekët e ushtrisë t'i vendosnin një maskë oksigjeni dhe t'i kontrollonin organet jetësore brenda një tendë shpëtimi.
Ushtria e Nepalit tha se kishte gjetur dy trupa nga një tunel në Hidrocentralin Langtang.
Të paktën 1,294 persona kanë humbur jetën në Nepal në përmbytjet që shkatërruan shtëpi, rrugë dhe shkolla në qytete dhe fshatra pranë kufirit me Tibetin e Kinës, tha të premten autoriteti i menaxhimit të fatkeqësive. Më shumë se 5,053 persona rezultojnë ende të zhdukur, përfshirë 583 shtetas të huaj, shumë prej të cilëve pelegrinë dhe ecës në këmbë. (A2 Televizion)
A2 CNN Livestream
MUND TE LEXONI GJITHASHTU
