Ish-ministri i Jashtëm Aldo Bumçi dhe eksperti i Marrëdhënieve Ndërkombëtare Marlind Laçi kanë përplasur idetë lidhur me zhvillimet gjeopolitike dhe qasjen e Izraelit në raport me shtetet e tjera.
Debati në emisionin "Off the Record" nga Andrea Danglli në A2CNN u përqendrua te teza e ngritur nga Laçi, sipas së cilës Turqia mund të jetë Irani i ri, pra armiku i ardhshëm i Izraelit, i cili ka nisur të përgatisë terrenin propagandisitk për këtë narrativë.
Kjo ide u kundërshtua fort nga Bumçi, i cili e cilësoi këtë qasje si spekulative dhe të pabazuar.
Pjesë nga debati
Laçi: Izraeli do të gjej një armik të ri sepse ka filluar përgatitja e terrenit propagandistik. Irani i ri thonë është Turqia. E thonë qartë.
Bumçi: Këto janë teza ku ne mund të spekulojmë gjithë ditën.
Laçi: Jo, janë analiza të ministrive të Jashtme.
Bumçi: Turqia është vend anëtar i NATO-s! Turqia është një fuqi ushtarake, ekonomike...
Laçi: Nga ana ushtarake është edhe Irani
Bumçi: Nuk mund të diskutojmë dhe të hedhim teza kaq lehtë. Këto janë spekulime.
Laçi: Jo nuk janë spekulime. (A2 Televizion)
A2 CNN Livestream
MUND TE LEXONI GJITHASHTU
