Gjermania mban frymën këtë fundjavë, ndërsa në lindje të vendit do të zhvillohen zgjedhje. Partia Alternative für Deutschland synon të sigurojë shumicën në parlamentin rajonal të Saksonisë-Anhalt. Një fitore e plotë do të shënonte herën e parë që një parti e ekstremit të djathtë ka mbajtur pushtet në nivel shtetëror në epokën e pasluftës së vendit.
Për kundërshtarët e AfD-së, kjo është një pikë rreziku serioz. Por partia e sheh atë si një trampolinë drejt ëndrrave të saj për pushtet mbarëkombëtar. Këto janë zgjedhje që mund të ndryshojnë historinë gjermane. Rezultati mund të sjellë gjithashtu probleme të reja për kancelarin konservator (CDU) Friedrich Merz, i cili është në vështirësi, ndërsa thashethemet vazhdojnë nëse ai mund ta çojë deri në fund mandatin e tij në detyrë.
Sondazhet në këtë shtet tregojnë se mbështetja për partinë AfD – e cila kërkon të kufizojë imigracionin, të rivendosë lidhjet me Rusinë dhe të braktisë euron – është mbi 40%, duke e lënë CDU-në 15 deri në 20 pikë prapa; CDU-ja aktualisht qeveris në koalicion me Social-Demokratët (SPD) të qendrës së majtë dhe Demokratët e Lirë (FDP) që mbështesin ekonominë e tregut të lirë.
Çështja kryesore është padyshim emigracioni. Njerëzit nuk e njohin më vendin e tyre dhe e shprehin këtë hapur. Së dyti, natyrisht, janë inflacioni dhe ekonomia. Njerëzit mezi përballojnë edhe gjërat më të thjeshta. Tani po paguajmë 2,40 euro për një litër karburant. Në Poloni kushton 1,70 euro, pavarësisht se çmimi i naftës është i njëjtë. Njerëzit e shohin këtë. Ne po zhvazitemi për shkak të një ideologjie klimatike që po e çon ekonominë tonë drejt rrënimit. Dhe pikërisht ky është problemi thelbësor. Njerëzit e ndiejnë këtë edhe në xhepat e tyre.
Shumica e partive të tjera pjesëmarrëse kanë refuzuar të bashkëpunojnë me AfD-në – parti që është klasifikuar si e ekstremit të djathtë nga dega lokale e shërbimit gjerman të inteligjencës së brendshme – çka nënkupton se një koalicion i udhëhequr nga CDU-ja mund ta mbajë atë jashtë pushtetit në Saksoni-Anhalt. Megjithatë, niveli i lartë i mbështetjes për këtë parti – i nxitur nga zhgënjimi me qeverinë jopopullore të Kancelarit Friedrich Merz në Berlin – ka nxjerrë në pah se sa shumë ka ndryshuar politika gjermane në dekadën e fundit, që nga themelimi i partisë në vitin 2013. (A2 Televizion)
A2 CNN Livestream
MUND TE LEXONI GJITHASHTU
