Zjarr në një fabrikë në Bangladesh, 16 viktima

Të paktën 16 persona kanë humbur jetën pasi një zjarr i madh shpërtheu në një fabrikë veshjesh në Bangladesh.

Të afërm të shqetësuar u mblodhën jashtë fabrikës katërkatëshe në zonën Mirpur të Dakës të martën në kërkim të të dashurve të tyre që janë ende të zhdukur.

Zjarri, i cili shpërtheu në fabrikë rreth mesditës, u shua pas tre orësh. Por një depo kimike ngjitur vazhdoi të digjej, thanë autoritetet.

Zjarret e mëdha janë relativisht të zakonshme në Bangladeshin me popullsi të dendur, shpesh për shkak të standardeve të dobëta të sigurisë dhe infrastrukturës së dobët. Qindra njerëz janë vrarë në zjarre vitet e fundit.

Zyrtarët e shërbimit zjarrfikës nuk kanë përcaktuar ende se cila nga dy ndërtesat u përfshi e para nga flakët. (A2 Televizion)