Një ngjarje tragjike është raportuar mbrëmjen e djeshme në një poligon në rrugën “Dritan Hoxha” në Prishtinë, ku një vajzë 24-vjeçare ka humbur jetën pas plagosjes me armë zjarri.
Sipas Policisë së Kosovës, rasti është raportuar rreth orës 19:30, kur viktima, L.S, është plagosur brenda ambientit të poligonit. Ajo është dërguar me urgjencë për trajtim mjekësor në Qendrën Klinike Universitare të Kosovës (QKUK), ku rreth orës 22:00 është konfirmuar vdekja e saj.
Njësitet policore kanë dalë menjëherë në vendin e ngjarjes dhe kanë nisur hetimet. Si pjesë e procedurave hetimore, është arrestuar një zyrtar përgjegjës i poligonit, i cili me vendim të prokurorit është ndaluar për 48 orë.
Policia, në bashkëpunim me Prokurorinë Themelore në Prishtinë, është duke hetuar rrethanat e plota të ngjarjes. Rasti është iniciuar si “Vetëvrasje” dhe “Shkaktim i rrezikut të përgjithshëm me pasojë vdekjen”. Kosovapress (A2 Televizion)
A2 CNN Livestream
MUND TE LEXONI GJITHASHTU
