Aksident tragjik në Drenas, humb jetën një vajzë e mitur, 4 të plagosur

Një aksident tragjik trafiku ka ndodhur sot në fshatin Zabel i Ulët të komunës së Drenasit, ku për pasojë ka humbur jetën një vajzë e mitur.

Lajmin e ka konfirmuar edhe zëdhënësja e policisë për rajonin e Prishtinës, Flora Ahmeti, e cila bëri të ditur se në aksident ishte i përfshirë një automjet.

“Sot, rreth orës 17:00, kemi pranuar informatën se në fshatin Zabel i ulët të Drenasit, ka ndodhur një aksident trafiku me pasoja fatale. Në këtë aksident ka qenë i përfshirë një automjet. Si pasojë e aksidentit një person ka mbetur i vdekur dhe janë lënduar katër të tjerë. Vdekja e viktimës (e mitur) është konstatuar nga ekipi mjekësor në vendin e ngjarjes, ndërkohë që personat e lënduar janë dërguar për tretman mjekësor”, tha Ahmeti.

Policia ka bërë të ditur se njësiti rajonal i trafikut ka nisur hetimet për të sqaruar rrethanat dhe shkaqet e aksidentit. (A2 Televizion)