Sot skadon afati i fundit kushtetues për konstituimin e Kuvendit të Kosovës, ndërsa ende nuk është bërë e ditur se kur do të vazhdojë seanca e ndërprerë për formimin e legjislaturës së 11-të.
Seanca u pezullua me kërkesë të kryetarit të Lëvizjes Vetëvendosje, Albin Kurti, i cili kërkoi më shumë kohë për bisedime me partitë politike në përpjekje për të arritur një marrëveshje lidhur me çështjen e presidentit.
Vendimi u kundërshtua nga deputetët e Partisë Demokratike të Kosovës, megjithatë kryesuesi i seancës, Avni Dehari, vendosi ndërprerjen e punimeve.
Para pezullimit, Kuvendi arriti të miratojë formimin e komisionit për verifikimin e mandateve dhe të zhvillojë betimin e deputetëve të zgjedhur. Betimin e dhanë të gjithë deputetët, përfshirë edhe ata të Listës Serbe.
Pas seancës vërshuan kritika dhe akuza të shumta në drejtim të Albin Kurtit dhe Lëvizjes Vetëvendosje. (A2 Televizion)
A2 CNN Livestream
MUND TE LEXONI GJITHASHTU
