Institucionet e pavarura janë kritikuar hapur nga kreu i kuvendit për neglizhencë në zbatimin e rekomandimeve. Gramoz Ruçi, përmes mbledhjes online në kushtet e pandemisë së Covid-19, kërkoi që organigrama e punonjësve të miratuar të jetë funksionale dhe të lënë mënjanë ankesat.
Pakënaqësi kishte dhe në kampin tjetër. Për kryeprokurorin Olsian Çelaj, ka ende një ngërç me mungesën e një databaze të plotë statistikore ndërinstitucionale.
Përveçse dhanë, krerët e institucioneve të pavarura të zgjedhura nga kuvendi, edhe kane kërkuar llogari. Kreu i KLP, Genti Ibrahimi, kërkoi që kuvendi të çojë sa më parë në xhepat e prokurorëve pagat e premtuara.
Nga ana tjetër, Avokati i Popullit solli dy anët e medaljes mbi institucionet që përmbushin rekomandimet në formën e duhur. Nga statistikat e kuvendit, nga 223 rekomandime janë realizuar plotësisht 109, janë në proces zbatimi 94, janë realizuar pjesërisht 9, ndërsa 20 rekomandime janë ende të parealizuara. (A2 Televizion)
A2 CNN Livestream
MUND TE LEXONI GJITHASHTU
