Një rast i dytë i tentativës për të kaluar paratë në kufi të padeklaruara është goditur nga autoritetet në Portin e Durrësit. Sipas të dhënave paraprake bëhet e ditur se sot është kapur një sasi prej 25.000 eurosh, e cila ishte fshehur në trupin e një autobusi që vinte nga Italia.
Mësohet se policia ka ndaluar Arnold Shahun, nga Tirana.
Ky është rasti i dytë që zbulohet në më pak se 24 orë në Portin e Durrësit, nga autobusë që vijnë nga Italia në Shqipëri. Policia Kufitare është njoftuar paraprakisht për mjetin nga homologët italianë dhe sapo ka mbërritur në Durrës, është futur në skaner.
Ndërkohë, pasditen e djeshme 21 tetor, në një autobus linje që sapo kishte ardhur nga Italia, Policia Kufitare zbuloi disa qese të fshehura në fundin e mjetit, ku u gjetën 522.000 euro. (A2 Televizion)
A2 CNN Livestream
MUND TE LEXONI GJITHASHTU
