Derbi i shumëpritur i Romës nuk pati histori. Lazio i jap një leksion futbolli bashkëqytetarëve, duke dominuar 3-0 Romën.
Ekipi i Paulo Fonseca filloi mirë ndeshjen, por pas një gabimi trashanik i mbrojtësit Ibanez, që i lejoi golin bomberit Immobile në minutën 14, praktikisht u zhduk nga fusha e “Olimpico”, për herë të parë e boshatisur dhe pa koreografitë që e shoqërojnë tradicionalisht.
Lacio dyfishon në minutën 23 me anë të Luis Alberto, sërish pas një gabimi të Ibanez, me trajnerin romanist që ndoshta u pendua për lënien në stol të Marash Kumbullës.
Në pjesën e dytë, dominimi i djemve të Simone Inzaghit ishte edhe më i dukshëm, i kulmuar nga një gol i bukur, sërish i spanjollit Luis Alberto, në ndeshjen e tij më të mirë të sezonit.
Në minutat e fundit, hapësirë pati edhe sulmuesi kosovar Vedat Muriqi, por pa mundur t’i shtohet festës bardheblu me një gol që do ta zhbllokonte.
Me fitoren e sotme, Lacio ngjitet në kuotën e 31 pikëve, tre pikë më pak se Roma, dhe mund të mendojë sërish për një vend në Champions League. (A2 Televizion)
A2 CNN Livestream
MUND TE LEXONI GJITHASHTU
