Për ish-ministrin e Jashtëm, Ditmir Bushati, me agresionin në Ukrainë, Vladimir Putin vrau neutralitetin e shumë vendeve në Europë dhe këtu ai përmendi edhe Serbinë, teksa komentoi votën e saj pro rezolutës në OKB që dënonte agresionin rus në Ukrainë.
“Politika serbë është mësuar të ulet në disa karrige, por ky nuk është momenti që të ulesh në disa karrige. Nuk jam i surprizuar nga lëvizja e Serbisë të them të drejtën. Të gjithë e njohim Zvicrën, e kemi mësuar që në bankat e shkollës, që është e famshme për neutralitetin e saj. Duke përfshirë edhe pacifizmin gjerman, brenda një jave kjo situatë ndryshoi. Putin arriti të vrasë neutralitetin e këtyre vende”, tha Bushati.
Ai shtoi se është e papranueshme paralelja që Beogradi kërkon t’i bëjë ndërhyrjes ruse në Ukrainë me atë të NATO-s në Kosovë e Serbi.
“Unë e lexova votimin e Serbisë kundër sanksioneve ndaj Rusisë, për shkak të miqësisë dhe lidhjeve tradicionale, por në mbështetje të integritetit territorial të Ukrainës. Ajo që është e papranueshme është paralelja që Serbia kërkon t’i bëjë kësaj situate me ndërhyrjen e NATO në Serbi dhe në Kosovë në vitin 1999”, tha Bushati. (A2 Televizion)
A2 CNN Livestream
MUND TE LEXONI GJITHASHTU
