Temperaturat kanë pësuar një rënie të ndjeshme në zonat verilindore të vendit, të cilat janë përfshirë nga reshje shiu dhe bore. Në lartësitë mbi 1000 metra mbi nivelin e detit, reshjet kanë qenë kryesisht në formë bore.
Njësitë administrative të thella si Shishtaveci, Zapoti, Topojani, Gryk-Qaji, Arreni dhe Kalisi janë zbardhur nga bora, duke sjellë një pamje të vërtetë dimërore.
Deri në këto momente nuk janë raportuar probleme në qarkullim apo furnizim. Megjithatë, drejtuesit e mjeteve këshillohen të tregojnë kujdes gjatë lëvizjes, për shkak të lagështisë dhe mundësisë së akullit në rrugë.
Rruga e Kombit dhe aksi Kukës-Morinë janë të hapura por shoferët këshillohen të tregojnë kujdes për shkak të lagështisë dhe prezencës së borës. 8 mjete borëpastruese janë në gatishmëri nga Morina deri në tunelin e Kalimashit. (A2 Televizion)
A2 CNN Livestream
MUND TE LEXONI GJITHASHTU
