Ish-kreu i SHIK, Fatos Klosi ka zbuluar në “Off the Record” me Andrea Dangllin, në A2 CNN se avokatët amerikanë të të dy palëve në Gjykatën e Hagës në nisje të procesit ndaj ish-krerëve të UÇK-së, i kanë kërkuar që të jepte dëshminë e tij.
Ai u shpreh më tej se nëse do të kishte shkuar në Hagë për të dëshmuar, do të thoshte opinionet për liderët e UÇK, të cilët thotë se i ka adhuruar, pasi po sakrifikonin veten për lirinë e vendit.
“Jo unë nuk jam thirrur mua më kanë kërkuar të dy grupet e avokatëve, para katër vjetëve kur filloi procesi. Ata amerikanët që ishin, se tani s’janë më ata avokatë aty, se ata ikën ngaqë u ndërprenë fondet. Më kanë kërkuar: ‘Nëse do të duhet, a vjen? Vij u thashë. Por unë do të them ato që di. Opinione janë se unë se di ça ka ndodhur në një qytetet, në këtë datë, në atë datë. Unë kam opinionet e mia për ata njerëz që kam bashkëpunuar me ta. I kam adhuruar madje në një farë mënyrë sepse po sakrifikonin veten. E di mirë që po sakrifikonin. Hashimi biles njëherë u quajt se ishte vrarë në kufi, pastaj doli se jo ishte një tjetër, ishte ngatërruar. Nuk janë aq budallenj. Unë i njoh për njerëz të mençur. Që të binin në pozita të tilla, që të ishin kriminelë, kur po afrohej liria e vendit të tyre dhe heronjtë ishin ata. Nuk kishte asnjë kuptim”, zbuloi Klosi në “Off the Record” me Andrea Dangllin, në A2 CNN. (A2 Televizion)
A2 CNN Livestream
MUND TE LEXONI GJITHASHTU
