Një vatër e madhe zjarri përfshiu mbrëmjen e djeshme kodrën tek ish-Kombinati Misto Mame. Në fotot e siguruara nga A2 CNN shihen flakët që janë shumë pranë banesave dhe zona lidhet fare pranë nga krahu tjetër me një zonë rezidenciale shumë të njohur të Tiranës.
Për shkak të temperaturave përvëluese të këtyre ditëve, situata nga zjarret në të gjithë vendin paraqitet me rrezikshmëri të lartë. Një ditë më parë Agjencia e mbrojtjes Civile bëri të ditur se 3 qarqe të vendit Shkodra, Lezha dhe Elbasani paraqesin rrezikshmëri shumë të lartë për zjarre, shkruan A2 CNN.
Ndërkohë që prej pasdites së djeshme flakët e zjarri kanë përfshirë edhe zonën natyrore të Syrit të Kaltër në Sarandë. Mëngjesin e sotëm, ndërhyrja për shuarjen e flakëve po kryhet nga ajri me një avion Canadair dhe një helikopter, në përpjekje për të ndaluar përhapjen e mëtejshme të flakëve.
(A2 Televizion)
A2 CNN Livestream
MUND TE LEXONI GJITHASHTU
