Kombëtarja shqiptare nis përgatitjet për një nga sfidat më të rëndësishme të këtij edicioni të Ligës së Kombeve. Finlanda është kundërshtari i radhës, por mbi të gjitha rivali direkt në garën për kreun e grupit.
Kuqezinjtë dhe Rolando Maran kanë përpara një përballje që mund të përcaktojë shumë për fatin e tyre në këtë kompeticion. Takimi do të luhet më 12 nëntor, në orën 20:45, në stadiumin Arena Kombëtare, ku pritet edhe mbështetja e madhe e tifozëve.
Sfida vjen pas përballjes së parë në Helsinki, ku Shqipëria u mposht dy me një. Rejmaj shënoi golin e vetëm për kuqezinjtë, ndërsa Leo Valta realizoi dy herë për finlandezët.
Edhe historia e përballjeve nuk është në favor të Shqipërisë. Në tetë takimet e regjistruara mes dy përfaqësueseve, kuqezinjtë kanë fituar dy herë. Një ndeshje është mbyllur në barazim, ndërsa pesë janë fituar nga Finlanda.
Por këtë herë skenari është ndryshe. Shqipëria luan në shtëpi dhe ka mundësinë që të barazojë llogaritë me rivalin direkt, duke marrë një fitore që do të kishte peshë të jashtëzakonshme në objektivin për vendin e parë.
Pas Finlandës, kuqezinjtë do të udhëtojnë drejt Budapestit për sfidën e fundit me Bjellorusinë. Dy finale për Shqipërinë, me synimin për të mbyllur grupin në krye. (A2 Televizion)
A2 CNN Livestream
MUND TE LEXONI GJITHASHTU
