Kryeministri Edi Rama ka njoftuar se shumë shpejt Parku Kombëtar i Lurës do të jetë i aksesueshëm për vizitorët përmes rrugës së re turistike. Në një postim të ndarë me ndjekësit në rrjetet sociale kreu i qeverisë shprehet se është hedhur shtresa e parë asfaltike në segmentin Peshkopi – Lurë, ndërsa puna po vijon intensivisht edhe në segmentin Lurë – Rrëshen.
“Së shpejti edhe Lura magjike do të jetë e arritshme përmes rrugës së re turistike, ku është hedhur shtresa e parë asfaltike mbi segmentin Peshkopi - Lurë dhe po vazhdon puna mbi segmentin Lurë – Rrëshen”, shkruan Rama, krahas fotove nga punimet.
Ky investim pritet të lehtësojë ndjeshëm qarkullimin dhe të shkurtojë kohën e udhëtimit drejt një prej destinacioneve më të bukura natyrore të Shqipërisë.
Rruga e re pritet t’i japë një tjetër hov zhvillimit të zonës së Lurës, duke e kthyer atë në një pikë edhe më tërheqëse për turistët vendas dhe të huaj.
(A2 Televizion)
A2 CNN Livestream
MUND TE LEXONI GJITHASHTU
