Të nesërmen e kritikave të Edi Ramës ndaj qeverisjes së gjyqësorit, krerët e institucioneve të drejtësisë u mblodhën me dyer të mbyllura në një tryezë të përbashkët. Ftesa e Kryeministrit për t’u zgjuar, pasi Gjykata e Tiranës mori 7 vjet kohë për të rrëzuar padinë e tij civile për shpifje ndaj Lulzim Bashës, u kalua në heshtje nga inspektori i lartë i drejtësisë.
E vetmja që iu përgjigj kreut të qeverisë ishte Holta Zaçaj, kryetarja e Gjykatës Kushtetuese, institucion që kishte reaguar edhe publikisht ndaj qëndrimeve publike të Ramës sa i përket kërkesës së gjyqtarëve për një tjetër rritje pagash, shkruan A2 CNN.
“Nuk besoj që deklaratat futet në nivelin e presionit”, tha Holta Zaçaj, kryetarja e Gjykatës Kushtetuese.
Takimi që i mblodhi ishte "Strategjia Ndërsektoriale e Drejtësisë 2024-2030: Arritjet dhe sfidat e zbatimit të saj në kontekstin e Integrimit Evropian", ku diskutuan për atë që pret sistemin gjyqësor në vitet në vijim teksa vendi po përgatitet për t’u integruar në Bashkimin Evropian. (A2 Televizion)
A2 CNN Livestream
MUND TE LEXONI GJITHASHTU
