Ksenofon Konomi, pronari i tufës së kuajve që përpara disa ditësh u qëlluan me armë gjahu në mënyrë barbare pranë parku kombëtar të Llogarasë, ka vendosur të flasë për mungesën e reagimit të institucioneve ligjzbatuese në lidhje me rastin e paprecedentë të denoncuar prej tij.
“Nga doli kjo kafshë me plumb në gojë... Në 22 kuaj që ishin atje në malin e Llogorasë që janë goditur me armë gjahu, me çifte, janë gjetur edhe plumbat në kurrizin e trupin e kafshës. Me veterinerin kemi shkuar, përveç mungesës së policisë që nuk ka ardhur në vendngjarje, as tek të plagosurat as tek vendi ku janë kafshët. Kam denoncuar në polici për këtë situatë. Jam ndodhur i vetëm, përveç medias, pa mbështetje. Duke i kërkuar dhe policisë që të vijë në vendngjarje dhe nuk ka ardhur njeri. Unë sa kam pasur mundësi kam mbledhur prova, kam sjellë disa gëzhoja që i kam dorëzuar tek OPGJ-ja”.
Ai shprehet se kuajt janë përdorur shpesh herë edhe nga policia për gjetjen e turistëve apo nga pushteti lokal dhe zjarrfikësit në raste zjarresh.
“Më vjen ashtu se policia në këto momente duhet të punonte të nxirrte të vërtetën se i kam ndihmuar në kërkim të turistëve, në kohë zjarresh. Në kurrizin e atyre kafshëve është ndihmuar edhe policia, edhe zonat e mbrojtura dhe ish-prefeketi.
Ai kërkon ndihmë nga institucionet ligjzbatuese sa për të vënë para drejtësisë personat përgjegjës për këtë lloj masakre aq edhe për të gjetur kuajt që janë zhdukur pa gjurmë.
“Janë tre të plagosura. Po gjej katër kufoma në periferi të stanit që mendoj se ka qenë dikush që mendoj unë. Dhe të tjerat janë të eliminuara, s’po i gjej dot.” (A2 Televizion)
A2 CNN Livestream
MUND TE LEXONI GJITHASHTU
