Disa pjesëtarë të Gardës së Republikës, të cilët kanë si detyrë edhe sigurinë e prokurorëve të SPAK, janë trajnuar në Shtetet e Bashkuara nga Shërbimi Sekret Amerikan, njoftoi ambasada shqiptare në Tiranë, përcjell A2 CNN.
“Shtetet e Bashkuara ndihmojnë në mbrojtjen e atyre që na ndihmojnë të luftojmë krimin e organizuar. Së fundmi, tetë anëtarë të Gardës së Republikës, të cilët ofrojnë shërbime për mbrojtjen e zyrtarëve të qeverisë shqiptare, përfshirë prokurorët e SPAK, kryen një trajnim taktik të nivelit të lartë nga Shërbimi Sekret i SHBA në Akademinë Ndërkombëtare të Zbatimit të Ligjit të Shteteve të Bashkuara në Budapest”, thuhet në një postim të ambasadës në Facebook, ku janë shpërndarë edhe foto nga trajnimi.
“Ambasada e Shteteve të Bashkuara në Shqipëri gjithashtu ofron pajisje taktike dhe është krenare që zhvillon trajnime të rregullta me individët e guximshëm që mbajnë të sigurt zyrtarët e drejtësisë në Shqipëri”. (A2 Televizion)
A2 CNN Livestream
MUND TE LEXONI GJITHASHTU
