Reshjet e dendura të orëve të fundit kanë bërë që lumi i Kalasës të dalë nga shtrati në zonën e Shijanit, duke krijuar probleme serioze në qarkullimin automobilistik përgjatë aksit Sarandë–Delvinë, si edhe në drejtim të Kardhiqit.
Prurjet e mëdha të ujit kanë përmbytur një segment të rrugës, duke ngadalësuar ndjeshëm trafikun dhe duke rritur rrezikun për drejtuesit e mjeteve, shkruan A2.
Shërbimet e emergjencave dhe autoritetet lokale ndodhen në terren, duke monitoruar situatën dhe duke marrë masa për të garantuar kalueshmërinë e aksit.
Burime nga zona raportojnë se situata mbetet dinamike, pasi reshjet vijojnë me intensitet të lartë dhe prurjet e lumit rriten nga momenti në moment. Qytetarëve u bëhet thirrje të shmangin lëvizjet e panevojshme dhe të respektojnë udhëzimet e strukturave të sigurisë. (A2 Televizion)
A2 CNN Livestream
MUND TE LEXONI GJITHASHTU
