Në ditën e 97-të të saj, protesta nisi në orën 10 paradite dhe shumë larg kryeministrisë. Efekt... Pikëtakimi ishte sheshi para Gjykatës së Tiranës dhe qëllimi ishte mbështetja e 14 protestuesve të arrestuar mbrëmjen e së martës, që dolën në gjyq për caktimin e masës së sigurisë. Pas një seancë që zgjati më shumë se 3 orë, gjykata urdhëroi lirimin e menjëhershëm të të gjithë protestuesve dhe lënien e tyre pa asnjë masë sigurie.
Arrestimi i tyre, pas dyshimeve për “pjesëmarrje në grumbullime të paligjshme” dhe “pengim të qarkullimit të mjeteve të transportit” u deklarua i paligjshëm.
Gjatë seancës, prokuroria kërkoi caktimin e masës së sigurisë “detyrim për paraqitje”, por edhe masë plotësuese, ndalimin e tyre për të qëndruar për një kohë të gjatë në grumbullime nën hapësirat nën juridiksionin e Komisariateve nr. 1, 2 dhe 3 në Tiranë. Të arrestuarit kërkuan lirim të menjëhershëm. Masa plotësuese u konsiderua nga avokatët, si një përpjekje për t’i penguar klientët e tyre të protestonin
14 protestuesit e liruar prangosën mbrëmjen e së martës, pas përplasjeve mes policisë dhe protestuesve, që bllokuan hyrje-daljet e kryeministrisë, kur kreu i qeverisë Edi Rama ishte në godinë. Në reagimin zyrtar, Policia tha se protestuesit penguan qarkullimin e autoriteteve të lartë shtetërore dhe se nuk liruan rrugën. (A2 Televizion)
A2 CNN Livestream
MUND TE LEXONI GJITHASHTU
