Gazetari Roland Zili i ftuar në Çdo Kënd në A2 CNN tregoi një tjetër përjetim të ngjarjes së rëndë në shkollën “Fan Noli”, ku një djalë 14 vjeç u vra me thikë pas një përleshje me një bashkëmoshatar.
Zili u shpreh se djali i tregoi me lot në sy ngjarjen teksa përshtypje i kishte bërë fakti se të miturit nuk po i ofronte ndihmë askush, ndonëse e shihte të gjakosur.
“Djali më mori disa herë në telefon. Më tha që ka ndodhur një vrasje. Nuk po e besoja. Më tha që njërit po i del gjak dhe nuk di se çfarë t’i bëj. Të gjithë e kanë parë krimin pasi sapo kishte mbaruar mësimi. E kanë parë, djali im iu afrua dhe i ka bërë përshtypje që askush nuk vepronte. Asnjë se ndihmontë. Më pyeste përse nuk e ndihmojnë. Ka njoftuar policinë dhe ka shkuar me vrap te poliklinika qendrore, dhe kur u kthye atë e kishin marrë. Fëmija ime ishte me lot në sy. Pasdite u takua me shokët dhe shkuan edhe njëherë te vendi i ngjarjes”, tha Zili. (A2 Televizion)
A2 CNN Livestream
MUND TE LEXONI GJITHASHTU
