Një 23 vjeçar nga Franca kishte mundur që nëpërmjet mashtrimit t’u merrte të dhënat më shumë se 500 qytetarëve shqiptarë dhe nëpërmjet tyre t’u boshatiste atyre llogaritë bankare.
Adem Said u mbajt nën vëzhgim për më shumë se 2 javë dhe në momentin që mbërriti në Shqipëri dhe shkoj pranë bankomatit të një banke të nivelit të dytë, u arrestua në flagrancë teksa tentoi të tërhiqte para.
I riu iu dërgonte qytetarëve linkun e rremë për të plotësuar të dhënat bankare me argumentin se llogaria e tyre ishte çaktivizuar për arsye sigurie. Ai kamuflohej si filiali i një banke të nivelit të dytë me qëllim që t’iu merrte para nga llogaria.
Linku ishte hapur në Francë më pas kishte ardhur në Tiranë, me qëllim tërheqjen e parave nga llogaritë bankare që kishte përfituar nëpërmjet mashtrimit.
23-vjeçari akuzohet për dy vepra penale, “Mashtrimi kompjuterik” dhe “Ndërhyrja në të dhënat kompjuterike”.
Kjo nuk është hera e parë që qytetarë të ndryshëm bien pre e mashtrimeve, pasi më herët të tjerë qytetarë përveç ndërhyrjeve që u janë bërë në llogaritë bankare, kanë denoncuar edhe rastet kur u janë hakeruar të dhënat në rrjetet sociale. (A2 Televizion)
A2 CNN Livestream
MUND TE LEXONI GJITHASHTU
