Gjykata e Posaçme Kundër Korrupsionit dhe Krimit të Organizuar (GJKKO) ka vendosur të kalojë për gjykim dosjen ndaj ish-Presidentit Ilir Meta, Monika Kryemadhit dhe të pandehurve të tjerë.
Fatime krymadhi, Ema Çoku dhe Pirro Xhixho kanë kërkuar gjykim të shkurtuar.
Avokati i Metës, Kujtim Cakrani pas daljes nga gjykata shfaqi indinjatë në lidhje me vendimmarrjen, duke theksuar se GJKKO nuk u ngrit në lartësinë e detyrës dhe kaloi për gjykim “një dosje gjysmake”, sipas tij.
Sipas Cakranit dosja kishte mangësi të pyetjes së dëshmitarëve, por edhe akt-ekspertimet financiare që s’ishin kryer në mënyrën e duhur. Kryemadhi tha se gjithçka kishte qenë brenda pritshmërive, dhe sipas saj GJKKO kishte vendosur nën presion.
Pas një procesi 8-mujor gjyqtarja e seancës paraprake, Irena Gjoka, mbylli javën e kaluar shqyrtimin e dosjes. Hetimet për dosjen Meta-Kryemadhi u mbyllën më 28 korrik të vitit 2025, ku përfshihen tre çështje, CEZ-DIA, lobimi i LSI në SHBA dhe hetimi pasuror.
Ndaj ish-Presidentit Meta janë ngritur tre akuza, korrupsion pasiv, deklarimi ose mosdeklarimi i formularëve dhe pastrimi i produkteve të veprave penale.
(A2 Televizion)
A2 CNN Livestream
MUND TE LEXONI GJITHASHTU
