Policia e Durrësit ka arrestuar 39-vjeçarin Behar Gerguri, pasi ishte shpallur në kërkim ndërkombëtar për trafikim të lëndëve narkotike.
Përmes një njoftimi, Policia bën të ditur se Gjykata e Apelit e Milanos në vitin 2023, e ka dënuar me 5 vjet e 2 muaj burgim, për veprën penale “Trafikim i lëndëve narkotike”.
Ndërkohë vijojnë procedurat për ekstradimin e 39-vjeçarit në Itali, shkruan A2 CNN.
Njoftimi i Policisë:
Durrës/Finalizohet operacioni policor i koduar “The Wanted”.
Kapet një tjetër shtetas i shpallur në kërkim ndërkombëtar për trafikim të lëndëve narkotike.
Në vijim të operacioneve të njëpasnjëshme për lokalizimin dhe kapjen e shtetasve të shpallur në kërkim ndërkombëtar, bazuar dhe në informacionet e siguruara në rrugë operative, shërbimet e Forcës së Posaçme Operacionale dhe të Seksionit për Hetimin e Narkotikëve, në bashkëpunim me shërbimet e Sektorit të Qarkullimit Rrugor, të Drejtorisë Vendore të Policisë Durrës, në kuadër të operacionit policor të koduar “The Ëanted”, lokalizuan, kapën dhe arrestuan me qëllim ekstradimin në Itali, shtetasin:
Behar Gerguri, 39 vjeç, banues në Durrës.
Ky shtetas ishte shpallur në kërkim ndërkombëtar, pasi Gjykata e Apelit e Milanos, Itali, në vitin 2023, e ka dënuar me 5 vjet e 2 muaj burgim, për veprën penale “Trafikim i lëndëve narkotike”, parashikuar nga Kodi Penal italian.
Vijojnë procedurat për ekstradimin e 39-vjeçarit, në Itali. (A2 Televizion)
A2 CNN Livestream
MUND TE LEXONI GJITHASHTU
